Тропарион соловецким святым

Тропарь — краткое проздничное молитвенное песнопение, прославляющее и призывающее на помощь святого. Тропарион — богослужебная книга для пения на молебнах.

Герману Соловецкому

Тропарь, глас 8
Желанием духовным от юности распаляемь, преподобне Германе, Христу тесным жития путем последовал еси и, в морский пустынный остров, аки в тихое пристанище, вселився, в нем многа лета постнически пожил еси, идеже блаженным отцем Зосиме и Савватию сожитель был еси, с нимиже моли Христа Бога о нас, любовию чтущих святую память твою.

Ин тропарь, древний, глас тойже
Украсився, премудре, постническим житием, спостник был еси и сожитель в морстем отоце преподобным отцем Зосиме и Савватию, сподвизався в молитвах, в трудех и в пощении, преподобне отче Германе, но, яко имея дерзновение к Богу, моли избавити нас от враг и спасти души наша.

Кондак, глас 4
Вышних желая, вся долу влекущая возненавидел еси и, отечество свое оставль, в поморие пустынное отшел еси, таже в морский остров удалився, в нем многа лета Господеви поработал еси. Темже, память твою празднующе, любовию вопием ти: радуйся, Германе богомудре, отче наш.

Зосиме, игумену Соловецкому

Тропарь, глас 4
Изволением Божественного разума вселился еси в пустыню и тамо, вперив ум твой в Небесныя обители, равно Ангелом житие на земли пожив, в молитвах, и трудех, и пощениих образ был еси твоим учеником. Отонудоже Бог, видя твое благое изволение, умножи тебе чада в пустыни, слез твоих теченьми напаяемей. Но, яко имея дерзновенние к Богу, поминай стадо, еже собрал еси, мудре, и не забуди, якоже обещался еси, посещая чад твоих, Зосимо преподобне, отче наш.

Кондак, глас 8
Христовою любовию уязвися, преподобне, и Того Крест славный на рамо взем, понесл еси, Божественне вооружився, и непрестанныя молитвы, яко копие в руце имый, крепко ссекл еси бесовская ополчения. Тем зовем ти: радуйся, преподобне отче Зосимо, монахов удобрение.

Савватию Соловецкому

Тропарь, глас 3
Удалився мира и водворися в пустыни, добрым подвигом подвизався, злостраданием, и вниманием, и молитвами. Отонудуже и по смерти источаеши исцеления, Савватие отче наш, моли Христа Бога спастися душам нашим.

Кондак, глас 2
Житейския молвы отбег и вселися в морский остров, премудре. И крест Господень на рамо взем, Христови последовал еси в молитвах, и во бдениих, и в пощениих, злостраданием плоть свою изнуряя. Тем бысть иноком удобрение, иже любовию память твою празднующим; преподобне Савватие, моли непрестанно о всех нас.

Зосиме и Савватию Соловецким

Постническое и равноангельское житие ваше, / преподобнии отцы Зосимо и Савватие, / вселенней познаны сотвори вас чудодеянии различными богоноснии, / просвещайте верою призывающия вы / и чтущия честную память вашу.

Зосиме и Савватию Соловецким. перенесение мощей

Яко светильницы явистеся всесветлии / во отоце окияна моря, / преподобнии отцы Зосимо и Савватие, / вы бо, крест Христов на рамо вземше, / усердно Тому последовасте / и, чистотою Богови приближившеся, / отонуду силами чудес обогатистеся. / Темже и мы любезно притекаем к ракам честных мощей ваших и умильно глаголем: / о, преподобнии, молите Христа Бога спастися душам нашим.

Зосиме, Савватию и Герману Соловецким

Тропарь, глас 8
Яко светильницы явистеся всесветлии во отоце окияна-моря, преподобнии отцы наши Зосимо, Савватие и Германе, вы бо крест Христов на Рамо вземше, усердно Тому последовасте и, чистотою Богови приближевшеся, отонудуже силами чудес обогатистеся. Темже и мы любезно притекаем ко святым мощем вашим и умильно глаголем: о преподобнии, молите Христа Бога спастися душам нашим.

Кондак, глас 2
Христовою любовию уязвившеся, преподобнии, и Того крест на рамо вземше, понесли есте, Божественне вооружившеся на невидимыя враги, и непрестанные молитвы, яко копие в руках имуще, крепко победили есте бесовские ополчения; благодать Господню приемше целити недуги душ и телес притекающих ко святым мощем вашим, чудес лучи испущаете всюду. Тем зовем вам: радуйтеся, преподобнии отцы наши Зосимо, Савватие и Германе, монахов удобрение.

Иову Анзерскому

Тропарь, глас 5
Показавый образ добродетелей, весь страха Божия и Духа Свята исполнен бысть, Преподобне отче Иове, безмолвия истинный рачитель явился еси, страстем Господним покланяяся, имже и обитель воздвигл еси во отоце Анзерстем. Пустынножителей наставниче, моли Христа Бога спастися душам нашим.

Кондак, глас 8
Любовь Христову в сердце стяжа, еяже ради многи скорби претерпевый, пристанище обрел еси в морстем отоце, Преподобнаго Елеазара заветов верный преемник явился еси, покровом Божия Матере осеняемый: достоблаженне отче Иове, поминай нас, чтущих святую память твою.

Иоанну Яренгскому

Глас 4
От земли Возведый тя к вечным обителем / соблюдает и по смерти невредимо тело твое, святе Иоанне, / ты бо в целомудрии и чистоте жития, блаженне, пожил еси, / не осквернив тело, / темже со дерзновением моли Христа Бога спастися душам нашим.

Лонгину Яренгскому

Глас 1
Свыше Божественною благодатию просветився Богомудре, / многим терпением во временней жизни течение совершил еси, / темже и по успении источаеши чудесем благодать, / иже с верою приходящим к тебе, Лонгине всеблаженне. / Слава Давшему ти крепость, / слава Прославльшему тя в чудесех, / слава Действующему тобою всем исцеление.

Вассиану и Ионе Пертоминским, соловецким чудотворцам, глас 8

Тропарь, глас 8
Прежде отвержением мира, яко морскаго треволнения, избегосте, отцы преподобнии, послежде же, изволением Божиим, в водах морских кончину блаженную приясте и и к неболезненному покою преставистеся от земли, радующеся. Тем и по кончине от Христа Бога прославистеся чудесы обильно, теплии в бедах верным помощницы показастеся, и ныне на Небесех предстояще Престолу Христову, Вассиане преблаженне и Ионо преславне, молитеся присно о душах наших.

Кондак, глас 2
Яко сокровище богатно, верным Божественная благодать из морских недр издаде мощи ваша, отцы преблаженнии, и в месте пусте целы и невредимы обретошася преславно, и тако вас ради ныне славится Бог, Емуже со дерзновением предстояще ныне на Небесех, Вассиане и Ионо досточуднии, молитеся непрестанно о всех нас.

Иоанну и Лонгину Яренгским

Тропарь, глас 8
Яко звезды многосветлыя, от юности возсиявше, осветили есте сердца верных пренесением честных мощей ваших, добродетельми чудес ваших, во плоти яко бо ангели на земли показастеся, пощением насаждени бысте, яко древо при водах воздержания, напоени струями слез ваших, и скверну омысте, сего ради явистеся приятелище Божия Духа, Иоанне и Лонгине, молите Христа Бога спастися душам нашим.

Иринарху Соловецкому

Глас 4

Тропарь, глас 4
Постническое по Бозе житие возлюбив, вся плотская мудрования духу покорил еси и воздержанием страсти умертвил еси, во трудех, и бдениих, и молитвах образ быв добродетели, тем монашеского жития наставник показался еси, отче преподобне Иринарше, моли Христа Бога спастися душам нашим.

Кондак, глас 8
Чистотою душевною Божественныя благодати дары стяжав, блаженную жизнь совершил еси, и путь ко спасению всем указал еси, и богомудрый начальник монахов явился еси. Темже имея дерзновение ко Святей Троице, поминай нас, чтущих память твою, да зовем ти: радуйся, преподобне Иринарше, монашествующих похвало.

елеазару анзерскому, глас 3

Тропарь, глас 3
Отверг плоти тленная, нетленных потщался еси достигнути, и, мира удалився, вселился еси в морский остров, и на нем усердно многа лета Господеви поработал еси, сего ради и дары прозрения и чудес обогатился еси, отче Преподобне Елеазаре, Христа Бога моли даровати нам мир и велию милость.

Кондак, глас 2
Воздержанием и труды постническими душу предочистив, храм Пресвятаго Духа был еси, желанием крайним ум очистив с вышними ликостоянии в вышних Богу предстоиши, наслаждаяся ясно Божественного осияния и приемля красная воздаяния за труд мног, иже в теле на земли показал еси, молися, Преподобне Елеазаре, непрестанно о всех нас.

Кондак и стихиры из службы св. Филиппа

Восхвалим Филиппа премудрого, наставника православия, провозвестника истины, ревнителя Златоустого, светильника Русской земли. Вооружив себя бронею духовного мужества, ты бестрепетно обличил не послушавших тебя; властию, от Бога единого данною, ты совершил свое течение и соблюл веру, блаженный святитель, увенчанный светлым венцом правды! Тобою украсил Бог храм Матери Своей и нетленное тело твое, в изгнании пострадавшее, много лет в земле сокровенное, возвратил престолу твоему, к радости и веселию паствы твоей.

Филиппу, митр. Московскому и всея Руси чудотворца

Тропарь, глас 8
Первопрестольников преемниче, столпе Православия, истины поборниче, новый исповедниче святителю Филиппе, положивый душу за паству твою, темже, яко имея дерзновение ко Христу, моли за Отечество наше, за град же и люди, чтущия достойно святую память твою.

Кондак, глас 3
Православия наставника и истины провозвестника, златоустаго ревнителя, Россискаго светильника, Филиппа премудраго восхвалим, пищею словес своих разумно чада своя питающа: той бо языком хваления пояше, устнама же пение вещаше, яко таинник Божия благодати.

Филиппу, митр. Московскому. перенесение мощей

Тропарь, глас 5
Радостный возсия день светлаго торжества: днесь церковная расширяются недра, приемлюще духовных даров неоскудеемо боготворное сокровище, струю благодатей неисчерпаемую, источника чудесем обильна, чудотворивыя и священныя мощи твоя, святителю Филиппе. Тем же моли прославившего тя Дародателя Христа Бога о воспевающих тя и кланяющихся священным мощем твоим.

Кондак, глас 3
Яко солнце, днесь от земных недр возсияша честныя твоя мощи, Святителю. Землю же и воздух шествием твоим освятил еси и всех верных чудес богознаменьми облистал еси, чудотворец предивен и молитвенник к Богу о мире изящен явися. Сего ради вопием ти: спасай нас теплым своим предстательством, яко ученик Божия благодати.

Священномученику Илариону, архиепископу Верейскому

Тропарь, глас 4.
Воине Христов Иларионе, славо и похвало Церкве Русския, пред гибнущим миром Христа исповедал еси, кровьми твоими Церковь утвердися, разум Божественный стяжал еси, людем верным возглашаше: без Церкве несть спасения.

Кондак, глас 6
Иларионе, священномучениче Христов, служителей грядущаго антихриста не убоялся еси, Христа мужески исповедал еси, за Церковь Божию живот твой положи. Красо новомученик российских, Руси святыя похвало, ты Церкви нашея слава и утверждение.