Религиозный каталог. Религия на Соловках: Соловецкие святые, Собор всех Соловецких святых, иконы, иконостасы, колокола, молитвы, акафисты, тропарион, поклонные кресты на Соловках, церковные праздники, священные и церковные празднования, Спасо-Преображенский Соловецкий ставропигиальный мужской монастырь, монастыри, скиты, отшельники, священное писание, Библия. Православие, католичество и др. веры. Секты и религиозные течения на Соловках.

Соловецкие святые: основатели, первопроходцы и первожители. Становление и укрепление православия на Соловках
Соловки и остальной Мир
Соловецкие Святые
Собор всех Соловецких святых
Святые - основатели
Святые - первопроходцы
Соловецкие новомученики
Соловецкие cвященноисповедники
Соловецкие преподобномученики
Соловецкие преподобноисповедники
Соловецкие мученики

Деяния Юбилейного архиерейского собора pусской православной церкви
Неизвестные Соловецкие святые
Елиссей Сумский, Соловецкий.
Служители веры в Соловках
Патриархи Московские и всея Руси
Патриарх Никон
Патриарх Тихон (Булавин)
Митрополит Сергий (Страгородский)
Патриарх Алексий II
Патриарх Кирилл
Религии и церкви на Соловках
Главная страница раздела "Веры на Соловках".
www.solovki.ca/
Монастырь на Соловках
Спасо-Преображенский Соловецкий ставропигальный монастырь
www.solovki.ca/monastery/
Cоловецкое восстание
Братию Соловецкого монастыря подвергали физическому уничтожению
www.solovki.ca/monastery/
Слово архимандрита Порфирия
Келарь Геннадий (Дроздовский)
Соловецкие иконы
• Соловецкие иконы (список)
• Древний Соловецкий иконостас
• Новый Соловецкий иконостас
Молитвы
• Преподобным Зосиме, Савватию и Герману Соловецким
• Прп. Елеазару Анзерскому
• Прп. Вассиану и Ионе Пертоминским
• Новомученикам и исповедникам Соловецким
• Cвм. Петру (Звереву)
• Cвм. Прокопию (Титову)
• От чародейства
Акафисты
• Акафист преподобным Зосиме, Савватию и Герману. (pdf-формат)
• Нотное приложение к акафисту преподобным Зосиме, Савватию и Герману Соловецким (pdf-формат) с особенностями пения в Соловецком монастыре.
• Акафисты преподобным Зосиме, Савватию и Герману Соловецким чудотворцам
• Акафист святому преподобному отцу нашему Елеазару Анзерскому, Соловецкому чудотворцу.
Тропарион
• Тропари преподобным и святым Соловецким, насельникам Соловецкой обители.
• Cвященномученику Прокопию (Титову)
Праздники
• Соловецкие священные и церковные празднования
• Рождество в Соловках
• Пасха в Соловках

Церковь Преподобного Германа
Храмовые строения ансамбля Соловецкого кремля. Соловки.
www.solovki.ca/solovetsky_kremlin
Святой Елеазар Анзерский - учитель патриарха Никона
Однажды на Анзер пришел новый подвижник – московский священник Никита Минов, который стал любимым учеником преподобного Елеазара. Священноинок Никита пребывал три года. Святой Елеазар изнемогал под бременем забот и лет, но ему помогал его сподвижник и ученик, ставший впоследствие митрополитом Новгородским и будущим патриархом Никоном.

Акафист святому преподобному отцу нашему Елеазару Анзерскому, Соловецкому чудотворцу

Кондак 1 Икос 1
Избранный угодниче Божий, светлостию жития твоего и чудес благодатию просиявый в пустыни севернаго помория, преподобне отче наш Елеазаре! Хвалебныя песни приносим ти, подвиги твоя воспевающе. Ты же, яко благоприятный молитвенник ко Господу, от всяких нас бед свобождай, да зовем ти:
Радуйся, преподобне отче наш Елеазаре.
Ангел житием и путеводитель многим ко спасению был еси, преподобне отче Елеазаре. Темже и мы ныне ко твоему предстательству прибегающе, приносим ти хваления сицевая:
Радуйся, Единаго Господа измлада возлюбивый;
радуйся, чистоту душевную от юности сохранивый.
Радуйся, равноангельно поживый на земли;
радуйся, яко со ангелы ликуеши на небеси.
Радуйся, на демоны мужественно ополчивыйся;
радуйся, небесных видений сподобивыйся.
Радуйся, смирение сердца до конца сохранивый;
радуйся, безмолвное житие тепле возлюбивый.
Радуйся, преподобне отче наш Елеазаре.
Кондак 2 Икос 2
Видевше благочестивии родителие твои усердие твое ко иноческому житию, на сей спасительный путь тя благословити не отрекошася. Ты же, преподобне, из дому отеческаго абие изшед, во обитель Соловецкую устремился еси, еяже достиже, радостно воспел еси Богу: Аллилуиа. Разум богопросвященный стяжав, мирскаго пристрастия избегл еси, пречудне Елеазаре, и подвиги плоть умертвив, образ добраго жития иноком преподал еси. Сего ради восхваляем тя сице:
Радуйся, отечество и род твой оставивый;
радуйся, богатство и славу возненавидевый.
Радуйся, суровое житие возлюбивый;
радуйся, Христу последовати возжелавый.
Радуйся, яко пристанища тихаго достигл еси;
радуйся, яко спасению многих послужил еси.
Радуйся, грядущая прозираяй;
радуйся, далече сущая провидяй.
Радуйся, преподобне отче наш Елеазаре.
Кондак 3 Икос 3
Сила Божия укрепляше тя на подвиги, блаженне Елеазаре, егда из обители преподобных Зосимы и Савватия изшед, в пустыню Анзерскаго острова вселился еси, идеже в безмолвии воспевал еси Богу: Аллилуиа. Имея молитву и крестное знамение яко щит непобедимый, досточудне Елеазаре, мужественно прогонял еси вражия ополчения, страховании многообразными на тя воюющия. Мы же яко воина Христова ублажаем тя сице:
Радуйся, темных духов прогонителю;
радуйся, злокозненных их сетей разрушителю.
Радуйся, именем Иисусовым враги невидимыя отражавый;
радуйся, мудрость духовную стяжавый.
Радуйся, на невидимую брань верою и молитвою вооруживыйся;
радуйся, воин Христов непобедим явивыйся.
Радуйся, полунощныя страны светильниче;
радуйся, неусыпный о людех молитвениче.
Радуйся, преподобне отче наш Елеазаре.
Кондак 4 Икос 4
Бурю искушений и бед враг рода человеческаго воздвизая на тя, доброподвижниче Елеазаре, аки от игумена посланный льстивно тебе является. Ты же молитвою Господнею того обличил еси и в бегство обратил еси, воспевая Богу: Аллилуиа. Слышав христолюбивый Царь Михаил слух богоугоднаго твоего жития, преподобне Елеазаре, лице твое видети возжела: ты же повелению цареву повинуяся, во стольный град притекл еси, и о рождении первенца ему прорекл еси. Сего ради глаголем тебе сице:
Радуйся, дерзновение ко Господу стяжавый;
радуйся, пророческаго дара исполненный.
Радуйся, христолюбиваго Царя веру умноживый;
радуйся, на хвалу Господню того подвигнувый.
Радуйся, честию царевою не превозносивыйся;
радуйся, о славе Единаго Бога возвеселивыйся.
Радуйся, яко твоею молитвою неплодие Царицы прекратися;
радуйся, яко плод благословен земли Российстей молитвою твоею даровася.
Радуйся, преподобне отче наш Елеазаре.
Кондак 5 Икос 5
Боготечная звезда иноком Соловецким являешися, отче Елеазаре, к небесному отечеству тех путеводящая, такожде и всех притекающих к раце мощей твоих умилением и верою просвещающая, вопиющих Богу: Аллилуиа. Видеша ученицы твои, преподобне Елеазаре, царево к тебе благоволение, и повеление его к построению храма во обители твоей приемше, радовахуся. Мы же Господне на то благословение уведевше, и видения чудесная тебе явленная воспоминающе, глаголем:
Радуйся, Христовы словесныя овцы ко спасению подвизаяй;
радуйся, нерадивыя от сна греховнаго возбуждаяй.
Радуйся, ученики твоя неленостно в житии назидавый;
радуйся, и по преставлении писаньми твоими тех сердца умиляяй.
Радуйся, словеса и учения святоотеческая в сердце твоем запечатлевый;
радуйся, теми души христианския ко спасению наставляяй.
Радуйся, верный подражатель богоносным учителем бывый;
радуйся, искусный иноков наставник явивыйся.
Радуйся, преподобне отче наш Елеазаре
Кондак 6 Икос 6
Провидец и провозвестник будщих и далече отстоящих яко близ сущих был еси, преподобне Елеазаре: темже и преставление духовнаго друга твоего за тридесять поприщ прозрел еси. Сего ради Богу, дивно прославляющему святыя Своя, поим: Аллилуиа. Возсияваше лице твое небесною радостию и духовным веселием, ангелоподобне Елеазаре, егда сподоблялся еси Божественных откровений и видений. Сего ради сице тебе зовем:
Радуйся, глас Божественный многажды слышавый;
радуйся, апостолу Павлу собеседник в видении бывый.
Радуйся, Христов лик присно во уме твоем предносивый;
радуйся, многострадального о Христе жития благий образ явивый.
Радуйся, на демоны воинствующим присный споборник бывый;
радуйся, братию твою козни демонския прозирати научивый.
Радуйся, правыя веры добрый учителю;
радуйся, сомнящихся вере мудрый наказателю.
Радуйся, преподобне отче наш Елеазаре.
Кондак 7 Икос 7
Хотяще злии человецы досаду тебе сотворити, и того ради глубокое море преплывше, дерзостно к келлии твоей с прещением приближишася: но Божественною силою во изступление ума впадше, окрест жилища твоего в недоумении блуждаху. Ты же незлобив сый, молитвою тати оныя от таковаго помрачения исцелил еси, и научил еси пети Богу: Аллилуиа. Дивно от Царицы Небесныя на подвиги наставляем, преподобне отче, непоколебим во твоем изволении блазе пребыл еси, и небесную славу улучити сподобился еси. Темже ублажающе тя, глаголем:
Радуйся, небесных видений достойный зритель бывый;
радуйся, сосуде, Божия благодати преисполненный.
Радуйся, путь спасения ясно познавый;
радуйся, житием твоим путь сей нам указавый.
Радуйся, безмолвия и молитвы учителю;
радуйся, заповедей Господних верный блюстителю.
Радуйся, ангелоподобный человече;
радуйся, монашескаго жития наставниче.
Радуйся, преподобне отче наш Елеазаре.
Кондак 8 Икос 8
Странствие досточудно совершил еси, чудотворче Христов Елеазаре, егда море преплывал с братиею, ладию твою молитвою от крушения посреде плавающаго леда избавил еси, и спасл еси сущия в ней люди, воспевающия Богу песнь: Аллилуиа. Весь пламенем Божественныя любве объят был еси, преподобне Елеазаре, егда во острове пусте богомыслием непрестанным и плоти умерщвлением подвизался еси, душу убо молитвою питая, тело же веригами удручая. О сем хваляще тя, зовем таковая:
Радуйся, ветхаго человека в себе не пощадивый;
радуйся, силою креста в подвизех себе утвердивый.
Радуйся, пустынное лишение доблественне претерпевый;
радуйся, память смертную присно имевый.
Радуйся, власяницею и веригами плоть твою смиривый;
радуйся, все плотское мудрование духу покоривый.
Радуйся, богодухновенных книг списатель бывый;
радуйся, мудрость духовную возлюбивый.
Радуйся, преподобне отче наш Елеазаре.
Кондак 9 Икос 9
Вси жительствующии в богоспасаемей обители сей, к раце честных мощей твоих сошедшеся днесь, приснопамятне Елеазаре, и памятию добродетелей твоих сердца умиляюще, приносим ти хвалебняю песнь, ангельски поюще Богу: Аллилуиа. Витийственных словес плетение не довлеет восхвалити достойно чудотворения твоя, преподобне Елеазаре. Oбаче любовию движими, восписуем ти сицевая:
Радуйся, вождю духовных воинов;
радуйся, беснуемых свободителю.
Радуйся, приемый от Господа власть на духи нечистыя;
радуйся, и по смерти твоей низлагаяй вражия на нас ополчения.
Радуйся, яко мощей твоих духи злобы устрашаются;
радуйся, яко предстательством твоим всякия болезни исцеляются.
Радуйся, в пучине морстей плавающим помощниче;
радуйся, обидимых защитниче.
Радуйся, преподобне отче наш Елеазаре.
Кондак 10 Икос 10
Спасения подвигом добре подвизался еси, приснопамятне Елеазаре. Темже от Господа венец нетления тебе сплетеся, егда святую душу твою предал еси в руце Вседержителя, воспевая ангельскую песнь: Аллилуиа. Царю Превечному в Небеснем Царствии предстал еси, святе Елеазаре, отшед от временыя жизни. Мы же молитвенника тя тепла пред Престолом Господнем имуще, зовем сице:
Радуйся, от трудов временных к покою вечному славно прешедый;
радуйся, и нас труды богоугодныя возлюбити научаяй.
Радуйся, на земли Пресвятую Троицу присно славити обыкнувый;
радуйся, Святей Троице ныне со ангелы предстояй радостно.
Радуйся, дерзновение молитвенное ко Господу стяжавый;
радуйся, дар чудотворения свыше восприемый.
Радуйся, здравие болящим подаваяй;
радуйся, во всякой нужде и беде сущим скоро помогаяй.
Радуйся, преподобне отче наш Елеазаре.
Кондак 11 Икос 11
Пения хвалебная угоднику Божию приносяще, о празднолюбцы, всечестную память его духовно торжествуим: подвиги же его и чудесная деяния прославляюще, воспоим Богу песнь: Аллилуиа. Светозарная звезда явился еси, отче Елеазаре, во мраце страстей нас сущих озарующая, и ко свету спасения приводящая всех вопиющих тебе таковая:
Радуйся, обитель твою и по смерти не оставляяй;
радуйся, живущия в ней невидимо назираяй.
Радуйся, пищею духовною нас удовляяй;
радуйся, на потребу телесную вся от Господа нам подаваяй.
Радуйся, в житии твоем молитве деннонощней братию научивый;
радуйся, и по преставлении твоем в молитве нас укрепляяй.
Радуйся, скорбящих тайный утешителю;
радуйся, страдальцев незримый посетителю.
Радуйся, преподобне отче наш Елеазаре.
Кондак 12 Икос 12
Благодать приял еси от Христа Бога, угодниче Христов Елеазаре, еже за ны во обители твоей жительствующия молитися. Темже ныне память твою любезно почитающия благослови, и удовли нас ко славословию Бога с песнию: Аллилуиа. Поюще твоя чудеса, и пророческий дар твой благоговейно почитающе, все же богоугодное твое житие и многая исцеления, от раки твоея святыя болящим подаваемая, любовию воспоминающе, молим тя, угодниче Христов Елеазаре, твоего предстательства и нас грешных не отщетити, но прияти от нас хваления сицевая:
Радуйся, благодатию Пресвятыя Троицы освященный;
радуйся, благодатию Пресвятыя Богородицы осененный.
Радуйся, в лице преподобных ублажаемый;
радуйся, к великим чудотворцем Соловецким сопричтенный.
Радуйся, со всеми святыми прославляемый;
радуйся, со ангелы Пресвятей Троице предстояй.
Радуйся, еще на земли Господа зрети сподобивыйся;
радуйся, ныне Того лицем к лицу созерцаяй.
Радуйся, преподобне отче наш Елеазаре.
Кондак 13 Икос 13
О преподобне и богоносне отче наш Елеазаре! Приими ныне приносимая тебе хваления наша, и святыми твоими молитвами в жизни сей нас от всякаго злаго обстояния сохрани, в будущей же вечнаго осуждения избави, да сподобимся купно с тобою и со всеми святыми воспевати в Троице славимому Богу: Аллилуиа. Кондак сей глаголи трижды, таже икос 1-й и кондак 1-й
Solovki weather forecast Follow us on Facebook Solovki Passional